sibul

ika o sibul tutulung alang paintungulan
teka mo lumawut bakanta dakal reng mikabyayan
eka tatakut sikanan mu ing lub mu sopan nakang indung gabun
sopan nakang indung gabun

dumalan ka keng gasgas a gewa na lalam ning balacat
panikwanan mung dumagus nanu man ing makasalabat
nu kaman ume emu sa kakalingwan ing penibatan
ngening atsu ka dayat malat pane mung tandanan..
maka nanu kang miras nung emu kang indung gabun
kang indung gabun...

dumalan ka keng gasgas a gewa na lalam ning balacat
panikwanan mung dumagus nanu man ing makasalabat
nu kaman ume emu sa kakalingwan ing penibatan
ngening atsu ka dayat malat pane mung tandanan..
maka nanu kang miras nung emu kang indung gabun
kang indung gabun...

try me happily

o pls../ dont be../ dont be mean/ mean to me
cause you/ i hate you/ you just wait/ wait and see
well here/ comes my friend/ myself/ and me
i'll/ go to you/ and take you/ over me

i'll/ i'll cry out/ cry out loud/ out loud there
well/ no one's there/ to hear me/ well somewhere
then/ i'll whisper/ to your ears/ "i am near"
i'll/ go to you/ then take you/ over me

with/ this blood/ explains all/ all of this
well/ goodbye/ goodbye/ youre dismissed
tnx/ for your time/ now to find/ someone near
i'll/ go to him/ and take him/ over me

no i'm/ not afraid/ and dont be/ so silly
give up?/ wont you try/ try me/ happily

DoOdLe boys!!

o nu ta munta kanian?, tara DoOdLe??
ge kews,. panayan miya pa i samuel
nanu?? atin kayang chiks kanyan karin?
o cge munta ku pa holy angel

oita mipakat lareng kayang mata
domingo boy the lover boy haha,..
nakakabatrip ka sawada warriors!!
game!! ing me pers blad pokpok i ma na!!!

megwarlak ya ana ning alingongo
o nanu pustahan tamu cha libo?
istart yu ne ana pa nitang metong
me pers blad ya!! aydamo neto!!

push up push down oi tara mid tana ngan
buren mula una tane i roshan
aydamo basco!! tagal kang bulalu!!!!
oita na godlike!! basco da mamangan!!

GB na!! louie nokarin ka munta?
oi sandking! epi karin epi keta triple kill!!
trinoma grand champion!! buguk!!
aydamo neto loko mate naka!!

oita mesambut wik ka kasi wik ka!!
i louie mid tana mag side crips yapa
dana pane sawsaw pane nang ks
alang kayariyan dota dota dota

jes280kwatru

dana maka sira buntuk
ot pane na kang kakatuk
keng pasbul ning kakung salu
eka lulub ken naka mu

sinawa na kung magmalun
leganasan ko reng salun
nya e daka a kalinguan
tutu rakang kaluguran

anya kunwari ala
ali naku man mulala
oneng peburen ku na mu
kunwari eku na balu

ngeni ing kakung isipan
makananu kang kalinguan?
magpakamate ku yata
ala nakung akit sala

dapat mayari ne ini
disisyun eku mamili
uling ing lugud ku keka
peka aliua yang dili

Dayang Magmalun

nung reng bage e na la salese
kabiguan ing manimuna keng pamagpakamate
nung pusung megasgas ala yang panulu
puru dalumdum, ala kang akit a sulu

kalulung pusu ku ikua na ing lasun
malagwa yang mikalat, ing daya mikasalun
merimla, merayuput, at metuling ya
dayang magmalun ing menging na

bala mu amuyutan na kang magbabad kaya
at kabang makababad ka ika ing pagkanta na
malungkut a lauiui ing kayang paramdam
oneng e mu balu bagia bagia yang lalalam

king lugal a madalumdum karin na ka iratun
king lugal a alang kayangganan magmalun
sumawa kang mimisip mate ka keng bitki
manyaman pa siguru nung dugpan na ka ning alti

alang sasaup, alang malulunus
pane mung katak ning kayang balungus
siksak kune mu king pusu ba'yang malasun
'tsaka ke migbabad king dayang magmalun

makagato't makamulala
ing kaladua mi meyala
ala keng gagawan, ala keng isipan
kabud ke mu mipaglalaweng alang kayangganan

lalam na ning balag

king benging ini salilung kata
ika naman ing kakung pagkanta
ing lawiwi ning gitara ku
mangapatuki keng panamdaman ku

kabud ta na mipaglalawe
keng kekang mata kakawe
kareng pa'ng galo mu balu ku na
e ku na abatang aku na ing muna

sisikan ku kapanamdaman
bala mu lalapit ya ing bulan
e ka pa' sa mamako
panayan ta ne ing aldo

ing balat mung mapinu
malambut ampong mabanglu
siwala mung pandalit ibat kaladua
bala mu anghel kang menibat keng banua

magkanu man ing oras a ini
'gyang ninu man e de asali
ot kaya mamalagwa ing oras
bala mu ayup ya'ng linabas

ayan na ing aldo't, mandakit ne
ing penandit a ita ganakan kung pane

kakatak

nanu na naman ing kekang sabyan?
sinabi mu ne yan e mu ne ulit-ulitan
ing kekang balungus ot e patugut
makarindi ka daig me pa ing bingut

kakatak kang kakatak kang kakatak
kang kakatak kang kakatak kang kakatak 2x

sermun mung dakal eku na agyu
keng kakung balugbug ela man pagyu
ikwa ku nang melangi utak
ampo ing dila ku keng kakapalatak

kakatak kang kakatak kang kakatak
kang kakatak kang kakatak kang kakatak 2x

potang alaya ing siwala mu
len mu, matimyas ya ing yatu
ing balang aldong gewa ning ginu
malalasak marurunut uli mu

kakatak kang kakatak kang kakatak
kang kakatak kang kakatak kang kakatak 2x

adlib

oi bumulad na ka
bala mu misdan ka
e naka papalatak
sabage e ka sa...

kakatak nang kakatak nang kakatak
nang kakatak nang kakatak nang kakatak 4x

Dapu

nung mabsi ya ing dapu e na ka kanan

mayamu ya pa nung pakanan meng asan

oneng panga bukas wari makanta na naman?

eka paisubu e na na ka lakwan


nung maranup ya aro digpan ning alte

mimingat kang tataluntun keng tete

kanan na kang mabye kanan na kang mete

e ka papakan, dakal la reng midame


nung naman e me atuan

at ikwa mu neng lakwan dasan

e na ka naman atuan

mabsi ya man o danupan

paninap

ing kakung apaninap lalakad ku papunta san fernandu,.. nyang kapanik ku keng building atin linusub kakung isapada samurai kengkoy ya pamo,.. susubukan nku ata,.. oneng asagka ke tska ke belibag ali keman begut ing ispada ku,.. susubukan nku ata,.. hahaha,.. bala na galang,.. lalawe la pamo reng tau bilib ku keng sarili ku pero pepakit ku kunwari marine ku ampo pasalamat kareng puri da,.. bagus nakung kayabang keng icp ku,.. nyang menik ku pa ktang 3rd floor ning building bigla yang me ugse ing danum nitang lalakad keng arapan ku at mebasa ku pago,.. bglang mebagal ing kakung akakit mebagal lang gagalo reng tau,.. chaka ke penamdaman mengasias ing kakung katawan,. eku migalo dyang bagya,.. bgya bgya mamayun ya ing tutuklwan ku,.. atin balamu biglang memakbung menibatan keng tutukluan ku sibukan kung galo pero eku migalo,.. deng tau manga taranta la eda balu nula lumwal balamu ela mag drill keng building da ala la yatang emergency exit.,, pero itang metung a artist eya mamako keng lugar na sbage artist ya kasi,.. bgya bagya migagalo naku bagya bgya sisikan murin ing ayun akwa nanang manga lasak ning building,.. milwal nku keng building bayu ya ngan melasak deng likwan kung tau keng kilub menga mate la ngan,.. menga bigla ku dakal mete keng kilwal,.. ing aicp ku muli nku angeles lawen ko di ima ku wali ampo tatang ku,.. sinake ku bus yang kule yellow papunta ya angeles bayu ya pamo marimla ya aircon atin pang tv keng arap palage de pamo ing anak ning kapri,.. aganaka ko reng bus sasaken ku papunta menila anong buluk mayna lapa aircon ing palage dapa dtang eddie garcia collection a dvd,.. kalukluk ku keng bus a yellow,.. ot deng abe kung makasake balamu kilala kula balamu akayabe ku nala,.. nyayta matwa nala,.. mangasdan at mangaga la uling kareng akakit dang manga mate keng dalan,.. atin me laparis mipusit ya utak at gagalo yapa gamat, atin naman me patanan batu menibat keng building menga pusit ing daya, atin naman megili atyan at linwal ya bituka at ampo aliwa pang laman lub eku mu balu ot megili ya,.. ampo dakal pang aliwaliwang aksidenti,.. nyang katipa ku keng bus,.. megtaka ku at bglang linub deng kutang a reni keng utak ku,. ot eku tatakut?? ot balamu kasalanan ku ing mengapaliari balamu sasaryan ku pa?,.. bagus ing balu ku eku buri ing mengapaliari,.. ot ela mamamate reng kaybe ku keng bus??,. ampo ot atin kule yellow a bus papunta angeles ibat san fernandu?? nyang ati nku angeles ala nang ayun,.. megising nku kanta