nung reng bage e na la salese
kabiguan ing manimuna keng pamagpakamate
nung pusung megasgas ala yang panulu
puru dalumdum, ala kang akit a sulu
kalulung pusu ku ikua na ing lasun
malagwa yang mikalat, ing daya mikasalun
merimla, merayuput, at metuling ya
dayang magmalun ing menging na
bala mu amuyutan na kang magbabad kaya
at kabang makababad ka ika ing pagkanta na
malungkut a lauiui ing kayang paramdam
oneng e mu balu bagia bagia yang lalalam
king lugal a madalumdum karin na ka iratun
king lugal a alang kayangganan magmalun
sumawa kang mimisip mate ka keng bitki
manyaman pa siguru nung dugpan na ka ning alti
alang sasaup, alang malulunus
pane mung katak ning kayang balungus
siksak kune mu king pusu ba'yang malasun
'tsaka ke migbabad king dayang magmalun
makagato't makamulala
ing kaladua mi meyala
ala keng gagawan, ala keng isipan
kabud ke mu mipaglalaweng alang kayangganan
Subscribe to:
Post Comments (Atom)
2 comments:
"makagato't makamulala
ing kaladua mi meyala
ala keng gagawan, ala keng isipan
kabud ke mu mipaglalaweng alang kayangganan."
kanyaman yata ing kabud mu gatogato... alang gagauan...alang panamdaman... alang isipan... anti mo ning timbultail a sanga ning pun dutung a tatakiki ning agus...
tayimik...tayimik...
dadagus... daragus...
SANGKAN NING PAMAGMALUN
...mumunang dake...
-justin gania gatus
"pinanari na ning aslagan"
king kilub ning kanakung yatung makasalikut
atin oras a neng kayi makalungkut
misan balamu ena mayari ing bengi
ala nang ligaya, tula, ni timan o kaili
emuna mu amananmanan mekad
dakal la ring balbun mung tatalakad
patse manakit kang taung makalunus
ding kekag lua kabud la tumulu at mibulus
patse misan anang kasanting ing aldo
kabud nya siran ning dapat ning demonyo
mekad, mali ampong baluktut
nang karok maybug nakang masambut
patse ding taung kakaluguran mu ela mikasundu
anti ka rin king pobre, alang pera't kalulu
nakang kasakit a bili
emu balu nung nokarin ka munta, wanan o kaili
ring aliwa naman, ding martyr, anang kasakit
patse ikit me ing sintang lugud mung atin kayabe, makainggit
karing naman e buladbulad
aru, alang malyari king yatu dang malapad.
neng kayi naman kabira atin kang agawang kasalanan
emu balu nung kapilan ka mituran
king epektu na ning gewa mung kamalyan
mayari ka balat, taglus angga kilub katawan
ing asabi ku king kanakung kabilyan
magulu, masukal ampong eku ayntindyan
ring eganaganang litlat ku babo
tutu laren, apin den ding panamdaman ku
Post a Comment