Dapu

nung mabsi ya ing dapu e na ka kanan

mayamu ya pa nung pakanan meng asan

oneng panga bukas wari makanta na naman?

eka paisubu e na na ka lakwan


nung maranup ya aro digpan ning alte

mimingat kang tataluntun keng tete

kanan na kang mabye kanan na kang mete

e ka papakan, dakal la reng midame


nung naman e me atuan

at ikwa mu neng lakwan dasan

e na ka naman atuan

mabsi ya man o danupan